The Next Web (TNW) esas retosituo e yarala serio de konferi qui enfokigas nova teknologio e nova kompanii en Europa.
The Next Web-kompanio fondesis en 2006 dal kunfondinti Boris Veldhuijzen van Zanten e Patrick de Laive en Amsterdam, Nederlando, e retosituo pri teknologio-novaji sam-noma fondesis en 2009. Artikli da TNW citesis da Wired, Mashable, e la Huffington Post, inter altri. Ye 5 marto 2019, The Financial Times kompris majoritatala parto de TNW.
TheNextWeb.com publikigas raporti ed opinion-artikli pri teknologio-novaji, analizo di nova teknologio-kompanii, "app"-i, produkturi, emersanta interreto-tendenci, kulturo, e komercala temi. Dum un yaro TheNextWeb.com atingis 100.000 vizitanti monatale, ed en junio 2016, TNW.com recevis 8 milion til 10 milion vizitanti monatale.
Diskursanti che The Next Web-konferi inkluzas Gary Vaynerchuk, Princo Constantijn di Nederlando, e Robert Cailliau. En 2017, l'Amsterdam-konfero di The Next Web kritikesis pro trompiva aserti e manko de diafaneso pri pagar diskursanti, e pro havar pago-difero inter sua maskula e femina prizentanti.